首次看到全港最美的風景 ~ Café 100 by The Ritz-Carlton 享用美食

早前同朋友仔傾談時提到 SKY 100,聽人講就真係講得多,去就真係未去過,所以我地約埋一齊去 SKY 100食 Lunch 順便可以影影相作留念。




唔去唔知,原來天際 100是位於全香港最高大廈觀景台!



一入去會看到閃閃發光的霓虹燈隧道(必影地區)然後坐上全港最快雙層電梯,只需 60 秒直達 100 樓層。


終於上到100層了,一踏進去便會有縮小版的香港模型在我腳下,閃閃發光好靚呀!



而天際 100 是位於全港最高的環球貿易廣場 100 樓,觀景台離海拔 393 米高,是全港唯一能 360 度鳥瞰全港四方八面不同的景觀及維港景色的室內觀景台,可以看到大部份的九龍景色!






由於我們想慢慢享受這麼美的風景,我們選擇到 Café 100 by The Ritz-Carlton, Hong Kong 享用我們的午餐,一邊食一邊欣賞,太嘆了!



來一個開胃菜先,頭盤是吞拿魚尼哥斯沙律,當中的煙吞拿魚厚厚的、啖啖都是肉,而且肉汁嫩滑,有入口即溶的感覺,再配搭新鮮的蔬菜鮮甜又開胃。



法式脆炸魚柳配薯條



雖然不是太特別的菜,但最值得一提的是魚柳和薯條經過炸後也不會覺得油膩,做到外脆內軟的口感,配上沙律醬或茄汁美味可口。





未夠飽,唔緊要!我特別選擇了色彩繽紛的生果杯,生果杯比我想像中大杯,有藍莓、提子、菠蘿、橙、士多啤梨⋯每一款生果都是甜甜的,不似平價貨,低食!

食完後影左數百萬張相就走了(又玩到人地關門)



留言

熱門文章