與閨蜜浪漫的晚餐~西餐大排檔

與我的閨蜜食飯,緊係要搵一間睇得又食得的餐廳啦~


西餐大排檔位於尖沙咀,是上樓的,地方非常寬敞,而且仲有超級無敵維港景色比我地睇添,如果係放煙花時間黎仲好,食個景都好^^


菠蘿冰特飲 $38
有一粒粒勁大粒嘅菠蘿粒串起來,放在柸中,菠蘿單止大粒,而且仲好甜,但絕對不會搶走菠蘿冰的甜味,飲落簡直透心涼。


蟹肉蘑菇忌廉汁配熱脆朱仔包 $168


朱仔包非常鬆軟,皮是脆脆的,再配埋蟹肉蘑菇忌廉汁簡直絕配,蘑菇忌廉汁勁多蟹肉、蘑菇是磨碎了的,又有忌廉蘑菇味,同時亦有蟹肉的口感,食哂麵包只是食汁也很好味。


懷舊薯蓉海鮮大會 $238


有鮑魚、帶子、鮮蝦、魚柳非常新鮮足料,再配搭埋薯蓉口感一流,薯蓉係紫薯的,啖啖深透著紫薯甜甜的味道。


香蒜辣味蝦肉意粉 $188


對於我地鐘意食辣的人食最好不過,辣味食中,能刺激的我味覺,再配埋軟硬適中的意粉和磨菇,別有一番的感覺。


美國香醇朱古力蛋糕 $68


話明係2個女仔,緊係有2個胃啦~呢個朱古力蛋糕賣相唔單止靚,朱古力不是太甜的,會有一種回甘的味道,2個人食份量剛剛好,而且我同我的閨蜜也十分喜歡!

CHEF STAGE de Eddy Chu
尖沙咀亞士厘道17-19號19樓

留言

熱門文章