大排檔也可豪食？

為慶祝男朋友生日，緊係要食餐好啦！

今晚去左西餐大排檔食飯！咪睇佢名係叫大排檔好似好普通咁，其實佢名義上係大排檔，實際係好高級架！（唔信？大家睇埋咪知囉）

一入到去感覺到好高級嘅感覺，完全唔似佢個名咁大排檔feel！而且地方仲好寧靜最啱去拍拖、攪生日、同朋友靜靜地食飯嘅地方！

一去到就叫左杯草莓BB，因為佢個名好得意，所以叫左佢黎飲

呢杯草莓BB並不是太酸，甜味剛剛好，正

頭盤~迷你海鮮拼盤

(生豪4隻 / 鮑魚2隻 / 日本刺身帶子2隻 / 鮮蝦8隻 / 纽西蘭聖子刺身)

佢d海鮮勁新鮮，隻隻都有我塊面咁大！而且佢嘅配醬清清的可可帶出海鮮嘅鮮味！d生豪勁新鮮，一d沙同腥味都冇～平時我食到腥味唔會再食，點知我一口氣食曬4隻（因為男朋友唔食生豪）

食完海鮮緊係要飲返個湯暖下個胃啦！

我揀左黑松露蘑菇湯，佢調教嘅味道啱啱好，唔會太鹹，仲有咬口添，能夠一粒一粒食到蘑菇蓉，而且仲好滑添！

呢個黑毛豬海鮮肉骨茶真係勁足料，完全冇偷工減料，仲有好清甜嘅海鮮味，而且仲唔會感覺到油膩添！

松露煮日本年糕

呢味松露煮日本年糕係西餐大排檔獲獎必食推介黎架~佢勁多黑松露而且採用正宗日本年糕，原來松露味道同年糕係可以好夾，年糕柔軟度適中再配上松露令整道菜提升至極點。

BB乳鴿

去呢間餐廳必食之選，因為乳鴿是新鮮炸做出來的！佢嘅肉非常柔嫩、勁多肉汁流出來，非常香口！

溫馨提示：BB乳鴿係要早一日前訂架，因為好搶手，好快就賣曬喇！

橡樹果級別黑毛豬~肉眼蓋

嘩！佢個肉眼蓋配菠蘿簡直係絕配，咁都比佢地諗到，只係食肉眼蓋會有少少滯，但配埋菠蘿一d滯嘅感覺都冇，仲能夠帶出肉原有嘅味道！而醬汁是醋為主酸酸甜甜份外野味

呢度嘅店員仲好細心地幫我送上甜品比我男朋友，整到成個氣氛好sweet !

日本椰子雪糕一d都品甜，最啱我地香港人咩都要少甜！

西餐大排檔我一定會去再食，因為野食好新鮮而且店員仲好好人，時時刻刻每朝都會一張枱嘅客人！今時今日咁嘅服務態度唔係度度地方都有架喇！

地址: 銅鑼灣渣甸街50號渣甸中心7樓電話: 2882 9930